Vaade ( A collection of four decades of writings )

ಹೆಣ್ಣೂಬ್ಬಳು ರೂಢಿಗತ ಚೌಕಟ್ಟುಗಳ ಆಚೆಗೂ ಸಾರ್ಥಕತೆಯ ಬದುಕನ್ನು ಕಂಡುಕೊಳ್ಳುವುದು ಪಿತೃ ಪ್ರಧಾನ ಮೌಲ್ಯಗಳ ಮೀರುವ ಕ್ರಮವೇ ಆಗಿದೆ ಎಂದು ಸರಸ್ವತಿ ಒಂದೆಡೆ ಹೇಳುತ್ತಾರೆ. ಹೆಣ್ಣಿನ ಲೋಕದೃಷ್ಟಿಯಲ್ಲಿ ಬದುಕಿನ ರಾಜಕೀಯವನ್ನು ಅರಿಯುತ್ತಾ ರೂಢಿಗತ ಚೌಕಟ್ಟುಗಳನ್ನು ಮುರಿದು ಅರಿವಿನ ಕಣ್ಣೆರೆಯಲು ಈ ಕೃತಿ ಪ್ರೇರಕವಾಗುತ್ತದೆ ಎಂದು ಭಾವಿಸುತ್ತೇನೆ.

'ಪ್ರಸ್ತುತ ಸಂದರ್ಭದಲ್ಲಿ ದಲಿತ ಚಳವಳಿಯಲ್ಲಿ ಲಿಂಗ ಪ್ರಶ್ನೆ, ಮಹಿಳಾ ಚಳವಳಿಯಲ್ಲಿ ಜಾತಿ ಪ್ರಶ್ನೆಯನ್ನು ದಲಿತ ಸ್ತ್ರೀವಾದವು ಎತ್ತುತ್ತಿರುವುದನ್ನು ನಾನು ಗಂಭೀರವಾಗಿ ಪರಿಗಣಿಸುತ್ತೇನೆ' ಎನ್ನುತ್ತಾರೆ ಸರಸ್ವತಿ, ಜಾತಿ ಪ್ರಶ್ನೆಯನ್ನು ರಾಜಕೀಯ ಪ್ರಶ್ನೆಯಾಗಿ ಅರ್ಥ ಮಾಡಿಕೊಳ್ಳುವುದು ಜಾತೀಯತೆಯನ್ನು ಮೀರುವುದಕ್ಕೆ ಮುಖ್ಯವೆಂಬ ಅವರ ನಿಲುವು ಸದ್ಯದ ರಾಜಕೀಯ ಸಂದರ್ಭದಲ್ಲಂತೂ ತುರ್ತಿನದು.

ಸಿ.ಜಿ. ಮಂಜುಳಾ