Kutumba, Snehitaru Mattu Desha

ವಿಯೆಟ್ನಾಮ್ ಕ್ರಾಂತಿಯ ವೀರೋಚಿತ ನಾಯಕಿ ನುಯೆನ್ ಥೀ ಬಿನ್. ಆ ಮಹಾನ್ ಕ್ರಾಂತಿಯ `ಕಿಚ್ಚು ಮತ್ತು ಕುಸುಮ’ ಎಂದೇ ಈಕೆ ಪ್ರಸಿದ್ಧಳು. ಸಮಾಜದ ಕೆಳಹಂತದಿಂದ ಬಂದ ದಿಟ್ಟ ಹೋರಾಟಗಾರ್ತಿ. ಈಕೆಯದೊಂದು ಸಾಹಸಮಯ ಬದುಕು. ಶತ್ರುಗಳ ಬಿಗಿ-ಹಿಡಿತಗಳಿಂದ ತಪ್ಪಿಸಿಕೊಂಡು ಹೊರಬಂದ ಹಲವಾರು ದೃಷ್ಟಾಂತಗಳು ರೋಚಕಮಯವಾಗಿವೆ. ಬಿನ್ ಅವಳನ್ನು ಹಲವಾರು ಬಾರಿ ಸೆರೆಹಿಡಿಯಲಾಯಿತು. ಜೈಲುವಾಸ ಅನುಭವಿಸಬೇಕಾಯಿತು. ಚಿತ್ರಹಿಂಸೆಗೊಳಗಾದಳು. ಆದರೆ ಬಿನ್ ಎಂದಿಗೂ ಶರಣಾಗತರಾಗಲಿಲ್ಲ. ವಿಯೆಟ್ನಾಮ್ ಕ್ರಾಂತಿಯ ಮಹಾನ್ ನಾಯಕಿಯಾಗಿಯೇ ಬಾಳಿ ಬದುಕಿದಳು. ಈಕೆಯ ರೋಮಾಂಚಕಾರಿ ಆತ್ಮಕಥನವೇ ಈ ಕೃತಿ. ಸಹಜವಾಗಿಯೇ ಇದು ವಿಯೆಟ್ನಾಮ್ ದೇಶಭಕ್ತ ಮಹಿಳೆಯರ ಕಥನವೂ ಆಗಿದೆ. ಇದನ್ನು ಕನ್ನಡಕ್ಕೆ ಅನುವಾದಿಸಿದವರು ಜಿ. ಎಸ್. ನಾಗೇಂದ್ರನ್.