Kaage Moksha ( Stories )

ಕಾಗೆ ಮೋಕ್ಷ - ವೃತ್ತಿಯಲ್ಲಿ ಸಿವಿಲ್ ಇಂಜಿನಿಯರ್ ಆಗಿರುವ ಚಂದ್ರಪ್ರಭ ಕಠಾರಿಯವರ ಎರಡನೇ ಕಥಾ ಸಂಕಲನ. ಇಲ್ಲಿನ ಎಲ್ಲಾ ಕಥೆಗಳು ಯಾವುದೇ 'ಇಸಂ' ಗೆ ಒಳಗಾಗದೇ, ಯಾವುದೇ ಸಾಹಿತ್ಯ ಚಳುವಳಿಗೆ ಗುರುತಿಸಿಕೊಳ್ಳದಷ್ಟರ ಮಟ್ಟಿಗೆ ವಿಭಿನ್ನವಾಗಿವೆ. ತಾಜಾತನದಿಂದ ಕೂಡಿವೆ.

ಬೆಂಗಳೂರಿನಲ್ಲಿ ಘಟಿಸಿರುವ ಘಟನೆ, ಸಂದರ್ಭಗಳನ್ನು ಕೇಂದ್ರವಾಗಿರಿಸಿ ಕೊಂಡು ಸಮಸ್ಯೆಗಳ ಸುಳಿಯಲ್ಲಿ ಸಿಕ್ಕವರ, ಅಮಾಯಕರ, ಅಸಹಾಯಕರ, ಬಾಲ್ಯದಲ್ಲಿ ದೌರ್ಜನ್ಯಕ್ಕೊಳಗಾದವರ, ದುರ್ಬಲ ವ್ಯಕ್ತಿತ್ವದವರ, ಮುಗ್ಧರ ಬದುಕನ್ನು ಕಲಾತ್ಮಕತೆಯಲ್ಲಿ ಹೆಣೆದ ಕಥೆಗಳಾಗಿ, ಓದುಗನೊಟ್ಟಿಗೆ ನೇರ ಸಂವಾದಿಸುವಂತೆ ಪ್ರೇರೇಪಿಸುತ್ತವೆ.

ಕಥೆಗಾರರ ಮಾನವೀಯ ಸಂಬಂಧಗಳ ಹುಡುಕಾಟದ ಆಶಯ ಎಲ್ಲ ಕಥೆಗಳಲ್ಲೂ ಕಂಡು ಬರುತ್ತದೆ. ಒಟ್ಟಾರೆ ಇಲ್ಲಿನ ಕಥೆಗಳಲ್ಲಿ ರೋಚಕತೆಗಿಂತ ಸಂಯಮದ ಬರವಣಿಗೆಗಳಾಗಿವೆ. ಇಂತಹ ಅತ್ಯುತ್ತಮ ಕಥೆಗಳನ್ನು ಕನ್ನಡಕ್ಕೆ ಕೊಟ್ಟ ಚಂದ್ರಪ್ರಭ ಕಠಾರಿಯವರಿಗೆ ಅಭಿನಂದನೆ ಸಲ್ಲುತ್ತದೆ.

ಡಾ. ನಟರಾಜ ತಲಘಟ್ಟಪುರ ವಿಮರ್ಶಕರು, ನಾಟಕಕಾರರು