Oduvavarella Odugaralla Hagadare?

ಓದುವವರೆಲ್ಲ ಓದುಗರಲ್ಲ! ಹಾಗಾದರೆ? | Oduvavarella Odugaralla Hagadare? ಲೇಖಕರು: ಸತ್ಯನಾರಾಯಣ ಕೆ, Satyanarayana K

ತಾಂತ್ರಿಕವಾಗಿ ನಾನೇನೂ ಈ ಪುಸ್ತಕದ ಲೇಖಕನಲ್ಲ. ಹಲವಾರು ಪುಸ್ತಕಗಳು, ನೂರಾರು ಆತ್ಮೀಯ ಓದುಗರಿಗೆ ಈ ಪುಸ್ತಕ ಋಣಿಯಾಗಿದೆ. ಹಾಗೆಯೇ ಈ ಪುಸ್ತಕವನ್ನು ಯಾವ ಪ್ರಕಾರಕ್ಕೆ ಸೇರಿಸಬೇಕು ಎಂಬುದು ಕೂಡ ನನಗೆ ಗೊತ್ತಿಲ್ಲ.

ಓದುವಿಕೆ ಕುರಿತು ಎಲ್ಲ ಓದುಗರ ಮನಸ್ಸಿನಲ್ಲೂ ಹಾದು ಹೋಗುವ ಬೆರಗು, ಸಂತೋಷ, ಪ್ರಶ್ನೆ, ಪ್ರಮೇಯ, ಅನುಮಾನಗಳನ್ನು ಈ ಪುಸ್ತಕ ಗಂಭೀರವಾಗಿಯೂ, ತುಂಟತನದಿಂದಲೂ ಗಮನಿಸಿದೆ.

ನಾಲ್ಕಾರು ದಶಕಗಳಿಂದ ನಾನು ತಿಳಿದ ಓದುಗರ, ಬರಹಗಾರರ ಒಡನಾಟದಿಂದ ಹೇಳುವುದಾದರೆ, ಕನ್ನಡದಲ್ಲಂತೂ ಇಂತಹದೊಂದು ಪುಸ್ತಕವಿಲ್ಲ. ಬೇರೆ ಭಾಷೆಯಲ್ಲಿದ್ದರೆ ದಯವಿಟ್ಟು ತಿಳಿಸಿ.

ಓದುವ, ಬರೆಯುವ ಪ್ರಾರಂಭದ ದಿನಗಳಲ್ಲಿ ನನ್ನಲ್ಲಿ ಇದ್ದ ಬೆರಗು, ಮುಗ್ಧತೆ, ನಿಸ್ಪೃಹತೆಗಳನ್ನು ಮತ್ತೆ ಪಡೆದುಕೊಳ್ಳಲು ಈ ಬರವಣಿಗೆ ನೆರವಾಗಿದೆ. ಓದನ್ನು ಪ್ರಾರಂಭಿಸುವಾಗ ಮತ್ತು ಮುಗಿಸುವಾಗ, ನಮ್ಮಲ್ಲಿ ಇರಬೇಕಾದ ದಿಗಂಬರ ನೆಲೆಗಳ ಕಡೆಗೆ ಪ್ರಯಾಣ ಹೊರಡಲು ನಿಮಗೆ ಈ ಪುಸ್ತಕ ನೆರವಾಗಬಹುದು.