Middle Class To Rich

ಅವರು ಸರಳವಾಗಿ, ಎಲ್ಲರಿಗೂ ಅರ್ಥವಾಗುವ ಹಾಗೆ ಅಥವಾ ಮನೆ ಮಂದಿಯಲ್ಲೊಬ್ಬರು ವಿವರಿಸಿ ಹೇಳುವಂತೆ ಸರಳ ಪದಗಳನ್ನೇ ಆರಿಸಿಕೊಂಡು ತಲೆಭಾರವಾಗದ ಹಾಗೆ ಹಣಕಾಸಿನಂತಹ ಕಬ್ಬಿಣದ ಕಡಲೆ ಕಾಯಿಯನ್ನೂ ನಮ್ಮ ಮನಸಿಗೆ ದಾಟಿಸುತ್ತಾರೆ.

ಈ ಹಿಂದೆ ಅವರು ಹಣಕಾಸಿನ ಬಗ್ಗೆ, ಹೂಡಿಕೆ ಬಗ್ಗೆ ಬರೆದಾಗ ನನಗೂ ಅನಿಸಿತ್ತು ಮಧ್ಯಮ ವರ್ಗದ ಬಗ್ಗೆ ಬರೆಯುವುದು ಯಾವಾಗ ಅಂತ. ಮಧ್ಯಮ ವರ್ಗಕ್ಕೆ ಹಣಕಾಸಿನ ಅನಕ್ಷರತೆ ಇದೆ ಎನ್ನುವುದನ್ನು ಅವರು ಮೊದಲ ಪುಸ್ತಕದಿಂದಲೇ ಒತ್ತಿ ಹೇಳಿದ್ದಾರೆ. ಮಧ್ಯಮ ವರ್ಗದ 'ಚಿನ್ನ ಚಿನ್ನ ಆಸೈ'ಗಳನ್ನು ಈಡೇರಿಸಿಕೊಳ್ಳಲು ಅವರು ಹತ್ತುವ ಏಣಿ ಅಲುಗಾಡಿ ಅವರ ಮೈ ಮೂಳೆಯನ್ನೇ ಮುರಿಯುತ್ತದೆ. 

ಒಂದು ಕಾರು, ಒಂದು ಮನೆ, ಒಮ್ಮೆಯಾದರೂ ಸೂಟು ಬೂಟು, ಮಕ್ಕಳ ಸೂಪರ್ ಮದುವೆ ಇಷ್ಟು ಕನಸುಗಳೇ ಸಾಕು ಅವರನ್ನು ಜೀವಮಾನವಿಡೀ ನರಳುವಂತೆ ಮಾಡಲು. ಆದರೆ ಈ ಎಲ್ಲ ಕನಸುಗಳನ್ನು ಯಾವುದೇ ಸಮಸ್ಯೆ ಇಲ್ಲದೆ ಕೈಗೆಟುಕಿಸಿಕೊಳ್ಳಲು ಸಾಧ್ಯ ಇಲ್ಲವೇ? ಎನ್ನುವ ಪ್ರಶ್ನೆಗೆ ಉತ್ತರ ಶರತ್ ಅವರ ಈ ಪುಸ್ತಕ.