Makkaligagi Mahabharata

ವೇಗ ವಿಜಿ ವೇಗದ ಗುರುತು !

ವಿ.ಗಣೇಶ್ ಅಲಿಯಾಸ್ ವಂದಗದ್ದೆ ಗಣೇಶ ಅಥವಾ ಸಾಗರದ ಪ್ರತಿಯೊಬ್ಬರಿಗೂ ವಿಜಿ ಎಂದೇ ಪರಿಚಿತರೆನಿಸಿರುವ ಸಾಹಿತಿ, ಸರ್ಕಾರಿ ಪದವಿಪೂರ್ವ ಕಾಲೇಜಿನ ನಿವೃತ್ತ ಪ್ರಾಚಾರ್ಯ, ಸಾವಿರಾರು ಮಕ್ಕಳ ನೆಚ್ಚಿನ ಗುರುಗಳಾದ ಶ್ರೀಯುತ ಗಣೇಶ್ ವಂದಗದ್ದೆಯವರ ಹೊಸ ಪುಸ್ತಕ ಮಕ್ಕಳಿಗಾಗಿ ರಾಮಾಯಣ ಪ್ರಕಟವಾಗುತ್ತಿರುವುದು ಸಂತಸದ ವಿಷಯ.

ವಿಜಿ ಎಂದರೆ ವೇಗ, ಸ್ವಾರಸ್ಯ..! ಅಂದರೆ ನಿವೃತ್ತಿಯ ನಂತರವೇ ಅವರ ಲೇಖನಿಗೆ ವೇಗ ಸಿಕ್ಕಿದೆಯಾದರೂ ಅವರು ಈಗಾಗಲೇ ತೊಂಬತ್ತರ ಗಡಿ ದಾಟಿದ್ದಾರೆ. ನಿರ್ದಿಷ್ಟ ಸಂಖ್ಯೆಯನ್ನು ದಾಖಲಿಸುವ ಸಾಹಸವೇ ಬೇಡ, ಹಾಗೆ ಎಂದು ಹಾಕುವ ವೇಳೆಗೆ ಅವರ ಇನ್ನೊಂದು ಕೃತಿ ಬಂದಾಗಿರುತ್ತದೆ.

ಸಂಪಾದಕನೊಬ್ಬನಿಗೆ ಹಿರಿಯ ಲೇಖಕರು ಕೊಡುವ ಸ್ವಾತಂತ್ರ ಅತ್ಯಂತ ಮುಖ್ಯವಾಗುತ್ತದೆ. "ನೀವು ಮಾಡುವ ಕೆಲಸ ಎಡಿಟಿಂಗ್ ಬರಹ ಗುಣಮಟ್ಟವನ್ನು ಹೆಚ್ಚಿಸುತ್ತದೆ. ಯಾವ ಬಿಡೆಯಿಲ್ಲದೆ ಮಾಡಿಕೊಳ್ಳಿ ನನ್ನ ಅಭ್ಯಂತರವಿಲ್ಲ" ಎಂಬುದು ಬರಹ ಕಳುಹಿಸಿದ ಬೆನ್ನ ಹಿಂದೆಯೇ ಮಾಡುವ ಫೋನ್ ಕಾಲ್‌ನ ತಾತ್ಪರ್ಯ.

ಒಂದೊಮ್ಮೆ ತಮ್ಮ ಬರಹವನ್ನು ಪತ್ರಿಕೆ ತೆಗೆದುಕೊಳ್ಳದಿದ್ದರೂ ಅವರು ನಮ್ಮತ್ತ ಅಸಮಾಧಾನ ವ್ಯಕ್ತಪಡಿಸದಿರುವುದು ಅನುಕರಣೀಯ.

ಪ್ರಸ್ತುತ ತಮ್ಮ ಕೈಯಲ್ಲಿರುವ ಈ ಪುಸ್ತಕವು ಕಿರಿಯರಿಗೆ ಮಾತ್ರವಲ್ಲದೆ ಎಲ್ಲ ವಯೋಮಾನದವರಿಗೂ ಮಾರ್ಗದರ್ಶನವಾಗಲಿದೆ.

ಇಲ್ಲಿನ ಪ್ರತಿಯೊಂದು ಪಾತ್ರವೂ ನಮ್ಮ ಕಣ್ಣಮುಂದೆ ಬಂದಂತೆ ಭಾಸವಾಗಿ, ಶ್ರೀಕೃಷ್ಣನ ಧರ್ಮಮಾರ್ಗದ ನಿರ್ಣಯಗಳು, ನೀತಿ ಉಪದೇಶಗಳೆಲ್ಲವೂ ಸೂಕ್ಷ್ಮವಾಗಿ ಕಥಾರೂಪದಲ್ಲಿ ನಿರೂಪಿತವಾಗಿದೆ

-ಮಾವೆಂಸ,

ಸಂಪಾದಕರು: ನಮ್ ಸಮಾಚಾರ್