"ಪಶ್ಚಿಮದವರಿಗೆ ಹೊರಗಡೆ ಏನಿದೆ ಎನ್ನುವ ಆಸಕ್ತಿ ಜಾಸ್ತಿ. ದೇ ಆರ್ ಸೈಸ್ಟಿಫೀಕಲಿ ಡ್ರಿವೆನ್, ಪೂರ್ವದವರಿಗೆ ಒಳಗಡೆ ಏನಿದೆ ಎನ್ನುವ ಆಸಕ್ತಿ ಜಾಸ್ತಿ. ಸೊ ವೀ ಆರ್ ಎಮೋಷನಲ್ ಫಿಲಾಸಫಿಕಲ್ ಡ್ರಿವೆನ್' ಎಂದು ಹೇಳುವುದುಂಟು. ಅದೇ ಕಾರಣಕ್ಕೆ ನಮ್ಮಲ್ಲಿ ಸೈನ್ಸ್ ಫಿಕ್ಸನ್ ಅಷ್ಟೊಂದು ಇನ್ವಾಲ್ಟ್ ಆಗಿಲ್ಲ. ಆಗಿದ್ದರೂ ಅದರಲ್ಲಿ ಪ್ರಪಂಚದ ಬೇರೆ ಸಾಹಿತ್ಯದ ದಟ್ಟ ಪ್ರಭಾವ ಎದ್ದು ಕಾಣುತ್ತದೆ. ಈ ವಿಷಯದಲ್ಲಿ ಸತ್ಯಜಿತ್ ರಾಯ್ ಅವರು ಬರೆದ ಸೈನ್ಸ್ ಫಿಕ್ಷನ್ ಕತೆಗಳಲ್ಲಿ ಈ ನೆಲದ ಘಮಲಿದೆ. ಪಾತ್ರಗಳು ಸನ್ನಿವೇಶಗಳು ಇಲ್ಲಿಯವೆ. ಕನ್ನಡದಲ್ಲಿ ಈ ಪ್ರಕಾರದ ಸಾಹಿತ್ಯದಲ್ಲಿ ಎಷ್ಟು ಮುಂದಿದ್ದೇವೆ ಅಥವಾ ಹಿಂದಿದ್ದೇವೆ ಎನ್ನುವುದನ್ನು ಗಮನದಲ್ಲಿಟ್ಟುಕೊಂಡು ನೋಡಿದರೆ ಈ ಕಥಾಸಂಕಲನಕ್ಕೆ ವಿಶೇಷ ಮಹತ್ವ ಇದೆ.” ಜಯರಾಮಾಚಾರಿ ಕಥೆಗಾರರು, ಬೆಂಗಳೂರು